CheCowCow

琴晚回左啦，一見倒香港果d人樣、說話聲調、大陸人、港童，即係想原機截返。

我老細又同阿家攪甚麼改進大會，哩d幾年一度嘅偽改進大會，我依家只會覺得浪費我時間、破壞公司和諧、係無意義嘅循環。事實係做嘅同事一叫就會做，唔做嘅同事叫一百次加再多嘅白紙黑字都係唔會做，嘥9氣。改進大會變互篤大會，上層聽完唔去查清事實就話下層工作有問題冇policy，我xyz%&#佢，開名呀，我唔驚架，叫條友有咩問題行黎同我講，我幫佢解決。訓都未乸訓醒喺度辣我同我d人，我依家成行都係唸住今年走架啦，有種就黎攪我。我今日明同阿姐嘈，我得兩個會應，1. 我又唔係唔幫佢地做; 2.佢地有問題有要求平時唔出聲?!

自己d野都未攪惦走黎攪我，卒之我推到我阿姐話班sales可能夾硬講d野出黎交貨，小喇叭，咁就更加要調查左先好黎抽秤我地啦，哩台偽改進大龍鳳，我仲未夠資歷夠深度同班sales一齊去演，或者我終有一日可以同佢地一樣咁演得唯肖唯妙，但係依家，我一定唔會妥協，我怕你牙!

話說咳左成個星期，時好時差。源頭懷疑係公司，每個倉都有人咳，我對面個o靚仔仲咳左成個月。為左去旅行之前清晒d病菌，就唯有乖乖去睇醫生啦，星期六打去仁安診所，full晒、星期日唔開。新都城其他診所我真病係唔會睇嘅。咁就淨返樓下嘅兒科聖手啦，但係佢診所d姑娘d態度差到我想講粗口。So結果拖到今日遲到早退返去仁安診所睇，起碼d姑娘口面好好多，連攞藥比錢都有張櫈坐下，有問有答，總之好service，d藥唔會亂開一大堆，埋單價錢差唔多。Anyway，最好唔好病啦，冇得玩又訓唔好真係唔係幾盞。

加埋哩個愛心羅漢果茶，一定會好快好架啦，多謝Q媽!!

13-18/5，行程包括奈良、和歌山、有馬、大阪，由於行程緊密我地決定搏一搏，坐零晨機去大阪，我個人覺得冇問題吖，由其係我訓唔慣生保床嘅，咁樣cher到盡我夜晚可能仲會訓得倒。唸返以前，去一個星期旅行，頭三四日都可能冇訓過乜濟嘅，都係咁挨，至緊要有得玩有得食，哈哈。不過依家去旅行，住真係不能太馬虎，依家去日本真係唔可以再住semi-double (住過一次就已經怕左)，加錢都要轉twin。其他行程嘅野我大概都係指意我家姐啦，我重點係meet Yuki同shopping，其他都係陪家姐去hea啦。日本，我返黎啦，期待期待，萬分期待!!!

喺收音機聽倒哩隻歌，超好聽，把聲好治愈系，有時間就㩒黎聽下啦

琴日表演左小事化大，硬撐自己個o靚妹。雖然佢有洗脫唔倒嘅罪命，但係既然涉案人數眾多，有d證據又比人洗左，又有報館異常咁認罪，點解要矛頭直指我哩邊，我阿姐越唔要查我就越挖晒d人出黎查。某程度我嘅出發點一半係盲目嘅，但係喺哩度黎講更荒唐嘅事都日日發生啦，我哩d算得係咩。

大概哩張相都可以留黎做profile pic。算係咁啦，我咁嘅死樣可以影到咁，呃得下人。

P.S. Pic by One X

我又好panic。今次去恩平，唔知咩地方(廣東)，又係我個已經有一隻眼睇唔倒野嘅阿伯帶隊，話去乜鬼同學個農場喎，去三五日，但係又一抽二秤又拖喼又揹幾大袋，每次都同逃難冇乜分別。老豆依然電話唔識用，阿媽依然有種到冇乜錢喺身。唯有希望佢地福大命大，遇倒嘅都係好人，唔好整親身體，平平安安返黎。

同事仔賣左30連章萬歲，一行六人去左The Market，平時去咁多次98D巴士總站都真係冇留意隔離街有間酒店，亦冇唸過內竉都幾hip，黎飲野應該唔錯。個五舊水嘅buffet都幾好嘅，但係生蠔冇肉，唔細隻但係紙咁薄，都鮮甜嘅，我只係食左6隻。熱盤反而有d驚喜，平時唔惦熱盤嘅我都夾左半碟。中湯係蟲草xyz%&$#湯，個名太長我連睇都冇睇，係d同事話總之有蟲草同湯3個字。甜品ok啦，有好多雪糕同生果，冇乜cake。地方ok，都幾多人帶埋BB黎。Anyway，最後我地六條友都飽到反艇。

哩個妹妹，對上一次見佢仲係好細個，果時佢媽咪同婆婆仲憂心緊佢報幼稚園嘅事。今次見佢原來已經低班啦，出年就高班。因為好耐冇見，佢好怕羞講野又好細聲，我又踎又烏埋去先同佢講倒野，不過經過我一番苦心經營終於都fren起上黎，有相為證，sweet到死!!